Valiente

Isang klasiko. Isang epikong tumatawid sa iba’t ibang henerasyon. Isang kayamanang pamana ng dekada ’90 sa makabagong henerasyon.

Inihahandog ng TV5 ang pagbabalik ng isang makabuluhang drama-serye na matagumpay na nagbago sa mukha ng Philippine soap opera noong dekada ’90 - ang VALIENTE.

Mula sa orihinal na konsepto ni Antonio Tuviera at malikhaing panulat ni Bb. Gina Marissa Tagasa, ito ay kuwento nina Theo Braganza at Gardo Valiente - dalawang magkaibigan na haharap sa iba’t ibang pagsubok. Kabilang dito ang matinding alitan sa pagitan ng kani-kanilang pamilya at ang sakim na ina ni Theo na si Donya Trining.