Nagsimula ka sa isang reality show at ngayon naman, kasali ka na sa The Biggest Game Show. Paano mo narating ito?

Gusto ko talaga mag-artista. Napakahirap abutin ng mga pangarap ko kasi alam naman nating lahat na kapag gusto mo mag-artista, kailangan mong pumunta sa Maynila kasi nandito yung oportunidad. Hindi ko din intensyon na mag-audition kasi dumating sa point na ayoko na, kasi hindi ako nakukuha.

Ngayon 2012, finally... Nakapasok ako sa TV5. Alam kong darating ang panahon o meron isang tao, sasabihin nila "wala kang utang na loob" kasi ganyan yung showbiz pero... kahit saan man tayo makarating, yung utang na loob... kasama na yan sa history ng buong pagkatao mo. [Before,] nagkaroon kami ng konting problema pero ayoko masyadong isipin. Ang mahalaga may natutunan ako and may nagbukas ng pinto para sa akin.

Mahilig ka daw mag-English. Can you explain why?

Oh my gosh. Well, I didn't know how to start... But you know I'm not totally good in English, but one thing, I'm trying my best to understand your English.

Promise, totoo talaga yan. Halimbawa nagsho-shoot kami...ang iinterviewhin ko [pala] mga foreigner. Iniisip ko na lang "Kailangan kong gawin ‘to. Dito ko kinukuha pang-upa ko ng bahay, pagkain ko, kuryente, tubig." Pero huwag ka, mag-English ka sa akin I'm going to answer you in English, but if I didn't know your question maybe I'll use my translator.

Totoo bang madalas daw kayong mag-away ni Lucky?

Si Lucky kasi... Mahilig siyang manukso. Minsan hindi ko napipigilan, naiinis ako. May friend ako sinasabi [niya], "Tumahimik ka na lang kasi nga ang pangit niyong tingnan. Tapos ikaw naman parang gustong-gusto mong iniinis ka niya."

Bakit ka niya iniinis?

Hindi ko din maintindihan kay Lucky. Di ko talaga makalimutan... Patawid ako, alam ko malayo pa yung sasakyan [tapos] biglang binilisan niya yung pagtakbo. Muntik na akong masagasaan...tapos tawa siya nang tawa, pero mabait si Lucky tsaka friendly. Yun nga lang pag asar ka, talo ka.

May message ka ba para sa mga fans mo?

Sobrang thank you po. Kung wala kayo, wala din ako kasi sinong manonood sa akin?

Panoorin ang The Biggest Game Show in the World – Asia tuwing Linggo, 9 PM.