Naiwan ang pamilya mo sa Pilipinas para makasali ka sa Biggest Game Show. Ano ang naramdaman mo?

Siyempre nalungkot, pero ang prinsipyo ko sa buhay habang lumalaki ang mga anak ko...hahayaan ko [sila] pumunta sa kung saan-saan. Gusto ko maging independent sila. Ayokong dumating sa buhay ko na tumanda na ako at pinagsisihan kong hindi ako nakasali.

And then one thing: Malaysia! Mahilig kasi ako bumiyahe. So magandang experience na nasa ibang bansa, even though may naiwan akong family. I have to sacrifice kasi mahilig ako sa adventure talaga.

Nakuha mo naman ang adventure na gusto mo?

Um-over sa adventure! Yung games, parang agaw-buhay. Magkamali ka lang ng tayo...pwede ka ma-disgrasya. Pero dedma ako because ma-experience lang. Ibang feeling eh, kasi ang dami niyo [tapos] makikipaglaban ka sa tatlong bansa... Ang sarap. Yun lang naman ang hinahabol ko lagi.

Naghanda ka ba sa mga mangyayari sa Biggest Game Show?

Handa ako for the games pero hindi ako handa na reality [show] siya. Anytime after the games may kinukunan [ng camera], feeling ko "Ay, iba 'to!" Nakakapanibago yung...totoong ginagawa mo, kinukunan ka. Parang hindi ko alam kung ano yung dapat kong gawin.

Pero may mga times na kailangan ko makipagsabayan sa mga kasama ko kasi mga model, mga artista... Ang panama ko, talinuhan na lang. Kung magaganda kayo, abilidad na lang, diskarte na lang.

Paano ka nagpakita ng talino at diskarte?

Swerte ko kasi yung team ko, karamihan [sa amin] hindi athletic. Tagisan na lang ng talino, dun na lang namin napakita ang teamwork. Pag gutom na gutom kami, kailangan gumawa ng paraan para lang makakain... Buti na lang may dala akong mga de lata. (laughs)

Isa ka daw sa mga funny at talkative na players ng Team Pilipinas.

Natural sa akin yon kasi mamamatay ako pag hindi ako dumaldal eh. Parang hindi yata bagay sa akin maging malungkot. Kasi minsan umiyak ako pero para akong lukaret kasi kailangan ko tumawa. Kumbaga [ang ibang tao] "share your knowledge", ako naman "share your happiness". Numero uno rin akong pintasera sa okrayan pero...Wala sa akin yon, nagpapatawa lang ako. Pero nagsasabi lang rin ako ng totoo. (laughs)

Panoorin ang The Biggest Game Show in the World – Asia tuwing Linggo, 9 PM.